Logo

आईसीसी महिला टी-ट्वान्टी विश्वकप क्रिकेट प्रतियोगिता आज बाट अष्ट्रेलियामा सुरु हुँदै

न्युजडेस्क
२०७६ फागुन ९ , शुक्रबार १०:०२ मा प्रकाशित

एजेन्सी । आईसीसी महिला टी-ट्वान्टी विश्वकप क्रिकेट प्रतियोगिता आज (शुक्रबार) बाट अष्ट्रेलिया सुरु हुँदैछ ।अष्ट्रेलियाको सिड्नीस्थित सिड्नी शोग्राउण्ड स्टेडियममा आयोजक अष्ट्रेलिया र भारतबीचको खेलसँगै विश्वकपको यस संस्करण सुरु हुनेछ । अष्ट्रेलिया र भारतबीचको खेल दिउँसो १:४५ बजे सुरु हुनेछ ।यस संस्करणको विश्वकपमा १० टिमको सहभागिता रहेको छ । जसमा ९ टेष्ट र एक एसोसियट राष्ट्रले प्रतिस्पर्धा गर्नेछन् । एसोसियटबाट थाइल्याण्डले पहिलो पटक विश्वकप खेल्दैछ ।विश्वकपमा आयोजक अष्ट्रेलियासहित, इंग्ल्यान्ड, न्युजिल्याण्ड, भारत, पाकिस्तान, श्रीलंका, दक्षिण अफ्रिका, बंगलादेश, वेष्ट इण्डिज र थाइल्याण्ड रहेका छन् ।सहभागी टोलीलाई दुई समूहमा विभाजन गरिएको छ । लिग चरणको खेलपछि शीर्ष दुई टिम सेमिफाइनलमा पुग्नेछन् । फाइनल खेल मार्च ८ मा हुनेछ ।

तपाइको प्रतिक्रिया दिनुहोस ।
लोकप्रिय छुटाउनुभयो कि ?